За отпис на долговите за социјално ранливите категории, досега се отпишани 427 милиони денари, за околу 4.670 барања. Од нив, 90 проценти се на лица приматели на социјална помош, истакнаа министерот за финасии, Зоран Ставрески, и министерот за труд и социјална политика, Диме Спасов, на денешната прес-конференција.
Најголем дел од долговите се сметки за електрична енергија, односно 407, од вкупно 427 милиони.
Проектот, како што појасни Ставрески, е многу сложен, има обемна документација што треба да се провери, особено бидејќи некои предмети на должниците не се совпаѓаат со оние на доверителите и затоа, најверојатно, ќе трае неколку месеци.