fbpx

Објавен тендерот за изградба на гасоводна врска меѓу С.Македонија и Грција

Интерконекторот кон јужниот сосед на нашата земја треба да и обезбеди посигурно снабдување со природен гас, како и диверзификација на изворите од каде С.Македонија досега го набавуваше гасот

-

Европската Унија денеска го објави тендерот за избор на компанија што ќе го гради интерконективниот гасовод меѓу С.Македонија и Грција. Оваа информација вчера ја најави министерот за економија Крешник Бектеши. Тендерската постапка предвидува заинтересираните компании да ги достават своите понуди најдоцна до 1 февруари 2024 година.

Интерконекторот кон јужниот сосед на нашата земја треба да ѝ обезбеди посигурно снабдување со природен гас, како и диверзификација на изворите од каде С.Македонија досега го набавуваше гасот, односно руски „Газпром“. Единствената прекугранична гасоводна врска што ја има С.Македонија во моментов е со Бугарија.

Идниот гасовод меѓу С.Македонија и Грција е со должина од 123 километри и ќе се гради на потегот од Неготино преку Гевгелија до Неа Месимвриа во Грција.

На овој начин, во иднина би се обезбедила алтернативна врска за обезбедување на природен гас од идниот ЛНГ-терминал во Грција, како и од гасоводот ТАП кој од Азербејџан преку Турција носи природен гас кон Европа.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...