Американскиот претседател Барак Обама изјави дека САД ги разгледуваат сите опции во случај на крах на примирјето во Сирија, но дека не гледа добра алтернатива ако се случи тоа.
Претседателот на САД нагласи дека нема план Б за Сирија и го обвини режимот на сирискиот претседател Башар ал Асад за кршење на примирјето и за обновувањето на насилството во таа земја.
Обама рече дека договорот за прекин на непријателството во Сирија се одржал повеќе отколку што било очекувано. Тој наведе дека ако дојде до прекин на примирјето, САД ќе направат сè за да го вратат на сила.
Американскиот претседател вели дека во понеделникот телефонски разговарал со рускиот претседател Владимир Путин и дека му ја нагласил важноста од зачувувањето на примирјето во Сирија.
