fbpx

НВО: Говор на омраза наместо слобода на изразување

-

Наместо слобода на изразување, во Македонија постои говор на омраза, велат од невладините организации, кои денеска во Тетово учествуваа на дебатата под наслов „Слободата на говорот“.

Навредите и клеветите што ги трпат различни категории на граѓани, ретко доаѓаат до судска разврска, истакна граѓанскиот активист Беким Асани.

– Тој говор на омраза е широко распространет во Тетово. Со оглед на шареноликоста на населението од различни етнички и верски припадности, говорот на омраза многу влијае на меѓуетничките односи во нашиот град – рече Асани.

Слободата на изразување, велат учесниците на дебатата, е цензурирана најчесто кога се критикува Владата.

– Поради пресијата што се прави од владините структури, голем дел од новинарите го создадоа феноменот на автоцензура. За жал, се соочуваме со недостиг од независни медиуми и поради тоа, сè почесто социјалните медиуми стануваат средство преку кое можат на вистински начин, слободно да се пренесат ставовите на граѓаните и на здруженијата – изјави Уранија Пировска од Хелсиншкиот комитет за човекови права.

Со закани и со притисоци се спречува и слободата на говор и на изразување и кај граѓанските здруженија, студентите и средношколците, потенцираа од НВО Инфоцентар.

Сепак, учесниците на дебатата истакнаа дека и покрај притисоците и заплашувањата, кај голем дел од граѓаните се буди свеста, се охрабруваат слободно да го искажат своето мислење и да ги побараат своите права преку протести, како во случаите со студентите, средношколците и со хонорарците.

З.Д.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со автоматска пушка влегол во казино во Лешок и украл над 300.000 денари

Наредба за истражна постапка против 28-годишен жител на селото Непроштено, Општина Теарце, кој е осомничен за разбојништво и поседување автоматска пушка, донесе Јавен обвинител од Основното јавно обвинителство Тетово. Во...