fbpx

Лицата над 70 години до возачка дозвола само со лекарско уверение, предлага ЕУ

На заедничкиот состанок на министрите за сообраќај на земјите-членки на ЕУ вчера се најде и спорниот предлог за лицата постари од 70 години да можат да си ја продолжат возачката дозвола само со извршен лекарски преглед

-

Сообраќајните несреќи во ЕУ доведуваат до смрт на околу 20.000 лица, а бриселските власти сакаат ова да го променат, меѓу останатото, и со нова регулатива за сообраќајните дозволи, пишува германската новинска агенција ДПА.

На заедничкиот состанок на министрите за сообраќај на земјите-членки на ЕУ вчера се најде и спорниот предлог за лицата постари од 70 години да можат да си ја продолжат возачката дозвола само со извршен лекарски преглед.

Министрите ја утврдуваа позицијата за преговори со Европскиот парламент, кој пак ги усвојува законите во ЕУ.

Промената на прописите ја предложи Европската комисија. Идејата за било какво ограничување на правата за возачка дозвола не е неочекувано, но во Германија предизвика жестока расправа.

Германците сепак треба да бидат смирени, бидејќи засега нема шанси за ваков новитет. Министерот за сообраќај Фолкер ВФисинг веќе силно ја отфрли идејата за задолжителен преглед за старите возачи.

Исто така, Европската комисија на земјите-членки им остави широк простор за самостојно регулирање на ова прашање, што дополнително ги затемнува изгледите дека суштински нешто ќе се промени.

Па така, некои земји – Ирска, Луксембург и Холандија веќе им наметнуваат лекарски преглед на постарите возачи за продолжување на дозволите.

Европската комисија во март предложи кај постарите возачи да се можни и некакви алтернативни решенија, вклучувајќи ја самопроценката кај старите возачи и доброволниот преглед со обновување на дозволата на пет години.

Инаку, промените треба допрва да бидат усогласени меѓу министрите, владите на земјите-членки на ЕУ и Европскиот парламент.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Скопскиoт аквадукт – заборавено наследство затрупано со отпад

Душеци од кревети, теписи, автомобилски гуми, завеси, градежен шут, искршени плочки, пластични пишиња. На ваква слика ќе наидете ако појдете да го посетите Скопскиот аквадукт близу Визбегово, покрај булеварот...