Преговорите меѓу претставници на СДСМ и на ВМРО-ДПМНЕ за решавање на политичката криза во Македонија продолжуваат денеска во Брисел.
Посредници во дијалогот се поранешниот и новиот известувач за Македонија во Европскиот парламент, Ричард Ховит и Иво Вајгл, како и словачкиот европратеник Едвард Кукан.
Првата средба во Брисел се одржа пред две недели.
Во името на опозицијата преговараа заменик-претседателката на СДСМ, Радмила Шекеринска, како и Рената Десковска и Виктор Габер, додека од страната на власта на преговорите беа министрите Никола Попоски и Никола Тодоров и пратеникот Илија Димовски.