Управата за хидрометеоролошки работи соопшти дека под влијание на влажна и нестабилна воздушна маса, попладнево биле зафатени северните и источните делови од Македонија, каде што на повеќе места имало пороен дожд, грмежи и засилен ветар.
Поинтензивни биле процесите на повисоките места и на планините, особено во беровскиот регион, каде до 17 часот повремено имало интензивни поројни врнежи од дожд со грмежи и засилен ветер, како и појава на град.
До 17 часот во Берово наврнале 93 литри на еден квадратен метар, во Прилеп – 15, во Крива Паланка – седум и во Битола – еден литар на квадратен метар.
