Наставник во едно училиште во преградието Обервилие во близина на Париз призна дека измислил дека бил нападнат во училница и дека напаѓачот извикувал „Исламска држава“.
Францускиот јавен обвинител соопшти дека приказната е измислена. Откако нападот бил пријавен, полицијата тргнала во потрага по осомничениот.
Наставникот долго време бил испрашуван во полициска станица, а сите информации за случајот биле засновани само на неговата приказна.
Француските служби за безбедност и понатаму одржуваат високо ниво на будност по терористичкиот напад во Париз на 13 ноември, а низ Европа оттогаш забележани се повеќе случаи кои на почетокот се поврзуваа со ИД, за подоцна да се открие дека станува збор за лажна тревога.
