fbpx

МОН и УНИЦЕФ ќе спроведуваат акции против врсничкото насилство

Околу 700 стручни соработници, професионалци за ментално здравје од сите училишта, се обучени во новата Програма за психосоцијална помош и поддршка со цел подобрување на добросостојбата и менталното здравје на учениците

-

Министерството за образование и наука (МОН) и Фондот на организацијата на обединетите нации за децата (УНИЦЕФ) ќе работат заедно за подобрување на безбедноста во училиштата и намалување на врсничкото насилство.

На денешната работна средба на која присуствуваа министерот за образование и наука Јетон Шаќири, претставничката на УНИЦЕФ во Северна Македонија, Патриција ДиЏовани и претставници од Бирото за развој на образованието, се дискутирало на теми за спречување на насилството, обуки за стручните служби во училиштата и подобрување на менталното здравје и добросостојбата на учениците.

На средбата, како што информираше МОН, присутните постигнале согласност за заедничка координација и искористување на ресурсите за справување со сите форми на насилно однесување, креирање на активности и прирачници кои ќе помогнат во враќањето на довербата и безбедноста во училиштата. Министерот Шаќири истакнал дека МОН активно промовира отворен разговор и вклучување на што повеќе чинители во креирањето позитивна клима во училиштата.

Околу 700 стручни соработници, професионалци за ментално здравје од сите училишта, се обучени во новата Програма за психосоцијална помош и поддршка со цел подобрување на добросостојбата и менталното здравје на учениците. Тие ќе играат водечка улога во спроведувањето на активности за развој на социо-емоционални компетенции и зголемување на психолошката отпорност на учениците и возрасните во училиштата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Повеќе од 30.000 починати во Газа, најголем дел се жени и деца

Повеќе од 30.000 Палестинци се убиени во Газа од 7 октомври до денес, според податоците на Министерството за здравство на Хамас, а најголем број од починатите се жени и...