Македонското Министерство за надворешни работи попладнево објави соопштение, со кое се потсетува дека сѐ уште е на сила препораката на министерството објавена на 28.02.2022 година, сите граѓани на Северна Македонија да се воздржат од патувања кон Руската Федерација, а оние кои имаат можност да ја напуштат земјата.
Од МНР велат дека одблиску го следат развојот на состојбите во Руската Федерација и нашето министерство е во постојана комуникација со нашите партнери и сојузници.
„Сите државјани на Северна Македонија кои моментално се наоѓаат во Руската Федерација, може да ја контактираат Амбасадата во Москва на следните телефонски броеви: +7 925 025-98-05 (мобилен) и е-mail: [email protected]. Државјаните на Северна Македонија може да се обратат и во Министерството за надворешни работи на дежурниот телефонски број +389 75 273 732 и следната е-меил адреса: [email protected]“, се наведува во соопштението на МНР.
.jpg){kind=link}