Министерот за одбрана на Република Латвија, Рејмондс Вејонис, денеска ќе пристигне во дводневна посета на Република Македонија.
Како што најави МО, министерот Вејонис ќе има средба со неговиот домаќин, министерот за одбрана на Република Македонија, Зоран Јолевски.
Во рамки на посетата, министерот Вејонис ќе го посети полкот за специјални операции во касарната „Илинден“ во Скопје.
Утре, според најавите, министерот Рејмондс Вејонис ќе се сретне и со претседателот на Комисијата за одбрана и безбедност на Собранието на Република Македонија, Емил Димитриев, и со членовите на Комисијата.
