Министерот за земјоделство, шумарство и водостопанство, Михаил Цветков, денеска во Рим учествува на 39. Конференција на Организацијата за храна и земјоделство на Обединетите нации – ФАО во Рим, на која ќе биде избран новиот генерален директор, кој ќе раководи со агенцијата во следните четири години.
Фокусот на осумдневната конференцијата ќе биде постигнувањето на милениумските развојни цели за искоренување на сиромаштијата, како и обезбедување доволно храна за сè поголемата популација во светот.
На конференцијата ќе се усвојат и извештаите и препораките за спроведување на програмата на ФАО до 2017 година, а ќе се разгледуваат и препораките од извештаите за безбедност на храната на Светската здравствена организација.