fbpx

Мицкоски најави дека ќе ја напушти политиката ако некој од ВМРО-ДПМНЕ гласа за уставните промени

-

Претседателот на ВМРО-ДПМНЕ денеска изјави дека ќе ја напушти политиката доколку некој од неговата партија гласа за уставните промени, со кои Бугарите би требало да се внесат во македонскиот Устав како посебно малцинство.

„Не е тоа европеизација. Затоа сега е првиот браник, а тоа е непроменливоста на Уставот. Иако од власта ќе продолжат со изјави и притисоци дека имало пратеници кои ќе гласаат. Нема такви, по цена на мојата професионална и политичка кариера“, изјави Мицкоски денеска од скопското село Љубанци.

Мицкоски потенцираше дека власта за да ги реализира нечесните намери заедно со владата во Бугарија, пред македонската јавност лаже дека така не тераат од Европа иако тоа не е точно.

„Ќе предупредам и на еден процес кој се обидува власта да го води, а тоа е да каже дека Европа така не тера. Не е точно“, изјави Мицкоски.

Тој денеска рече дека затоа ВМРО-ДПМНЕ тука се спротивставуваше и ќе продолжи да се спротивставува на овој процес, каде според него, единствената цел на договорот со Бугарија е асимилација на македонскиот народ, односно бугаризација.

Од владејачката партија СДСМ денеска излегоа со реакција, во која велат дека Христијан Мицкоски не треба да чека, туку може веднаш да си даде оставка и да ја напушти политиката, откако му пропаднаа сите обиди да ја закочи и да ја дестабилизира државата.

„Мицкоски, кој самиот се прогласи за анти ЕУ политичар, уште еднаш потврди дека референдумот кој го најавува, а за кој не ја знае ниту формата, ниту прашањето му е само за внатрепартиска и лична употреба“, велат од СДСМ.

Од СДСМ додаваат дека Мицкоски работи на штета на државните и националните интереси и не може да се помири што почнавме преговори со ЕУ, со заштитен македонски јазик во Унијата и заштитени идентитетски, културни и јазични посебности на македонскиот народ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...