fbpx

Меџити: Лично ќе иницирам инспекциски надзор и при најмал сомнеж за несоодветен третман

Нема да дозволиме да останат нерасчистени случаи, мора да има одговорност кога е здравјето на граѓаните во прашање, рече Меџити на средбата со директорката на Државниот санитарен и здравствен инспекторат, Рената Младеновска

-

Лично ќе иницирам инспекциски надзор за секој случај за кој постои и најмал сомнеж за тоа дали е обезбедена соодветна здравствена заштита за пациентите и дали тие добиле соодветен третман, истакна министерот за здравство д-р Фатмир Меџити на денешната работна средба со директорката на Државниот санитарен и здравствен инспекторат, Рената Младеновска.

На средбата беше разговарано и за актуелните случаи за кои Министерството за здравство иницираше вонреден инспекциски надзор.

„Министерството за здравство будно ја следи работата на сите јавни здравствени установи и е во постојана координација со раководните структури. Нема да дозволиме да останат нерасчистени случаи, мора да има одговорност кога е здравјето на граѓаните во прашање. Секаде каде што ќе се отвори дилема дали е обезбедена соодветна здравствена заштита за пациентите и дали тие добиле соодветен третман ќе иницираме надзор на теренот“, рече Меџити.

Тој додаде дека улогата на ДСЗИ во здравствениот систем е огромна и дека оваа институција мора сериозно да ја спроведува својата работа и транспарентно да известува, бидејќи од неа во голема мера зависи довербата на пациентите во јавното здравство.

Рената Младеновска / Фото: Министерство за здравство

„Државниот санитарен и здравствен инспекторат е постојано на терен и врши надзор преку редовни, вонредни и контролни инспекциски надзори во сите здравствени установи. Фокусирани сме на делот на обезбедување квалитетна здравствена заштита и остварување на правата на пациентите. На секоја добиена претставка или налог од министерот за здравство ние соодветно постапуваме“, рече Младеновска.

Таа информираше и за вонредниот инспекциски надзор реализиран во врска со случајот на мртвороденото бебе во Клиничката болница во Битола, за кој рече дека е завршен и дека наскоро се очекуваат резултатите кои ќе бидат во детали соопштени во јавноста.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Уапсени десетмина што нелегално продавале медицински канабис

Десет лица се уапсени во четири градови низ земјава во акција за сузбивање на организирана криминална група која била инволвирана во организирање, набавка, продажба и пуштање во промет на...