Либиските бунтовници, кои го контролираат главниот град Триполи, соопштија дека остро ќе се спротивстават на едностраните дејства на ЕУ врз пунктовите што ги контролираат шверцерите со луѓе. Тие го повикаа Брисел со нив да ги усогласи плановите за справување со мигрантската криза.
Бунтовничкиот министер за надворешни работи, Мухамед ел Гирани, соопшти дека непризнаената Влада повеќепати дала предлози за справување со приливот на мигранти, но оти тие биле отфрлени.
Лидерите на земјите-членки на ЕУ денеска во Брисел треба да усвојат план со кој се предлага воена интервенција и цивилна мисија, со која ќе се изврши запленување и уништување на бродовите на трговците со луѓе.
