Мајами загуби од Кливленд со 101:91 по враќањето на Леброн Џејмс во Мајами, првпат откако си замина од тимот на „жешките“. Џејмс поротив својот поранешен клуб постинга 30 поени и имаше осум асистенции. Двен Вејд од таборот на Мајами постигна 31 поен, од кои 23 во првото полувреме.
– Тешко е да се игра во вакви услови. Се навикнуваш на обични натпревари, а потоа доаѓа еден ваков, како што беше и првиот натпревар по враќањето во Кливленд. Многу е тешко. Беше многу емотивно, минав четири години овде, тие и понатаму се мои луѓе – изјави Џејмс.
Кошаркарите на Лејкерс без нивниот најдобар играч Коби Брајант доживеаја пораз со 113:93 на гостувањето во Чикаго. Најефикасен на натпреварот беше Пау Гасол, кој постигна 23 поени и забележи 13 скока. Коби Брајант поради премор веќе втор натпревар не е дел од тимот од Лос Анџелес, кој забележаа четири порази во последните пет средби.
Оклахома Сити тандер победи на гостувањето кај актуелниот шампион Сан Антонио со 114:106 во реприза на финалето од Западната конференција минатата сезона, а Вашингтон славеа на гостувањето во Њујорк со 102:91. Лос Анџелес клиперс на домашен терен со 100:86 го совладаа тимот со најдобриот резултат во лигата, Голден Стејт.
