fbpx

Лажно видео се шири по интернет за продажба на руска уметност за помош на Украина

-

Европската телевизиска мрежа Јуроњуз информира дека деновиве на интернет кружи лажно видео, кое се прикажува всушност како извештај на Јуроњуз, при што се злоупотребува фонтот, графиката и знакот на Јуроњуз без дозвола, а е поврзано со војната во Украина, пишува Јуроњуз. Темата на лажното видео е наводна уникатна аукција на руски уметнички дела, при што средствата од продажбата ќе биле наменети за помош на Украина.

„Видеото не е продуцирано или објавено од Јуроњуз и нема да се одржи таква аукција“, информираат од Јуроњуз.

Во лажното видео со времетраење од 67 секунди се тврди дека во Германија ќе се одржи „уникатна аукција на руска уметност“ на аукциската куќа Bolland & Marotz за поддршка на Кијив. Во клипот лажно се покануваат и колекционерите на уметнички дела да донираат слики од руски уметници или ракописи од руски композитори.

Видеото лажно тврди дека уметничките дела потоа ќе бидат „јавно уништени“, а приходите наводно ќе биле донирани на војската на Украина.

Една верзија на лажното видео на Телеграм е гледано повеќе од 530.000 пати, предупредуваат од Јуроњуз. Тие информираат дека вакво видео не било објавено на веб-страницата на Јуроњуз или на нивните канали на социјалните мрежи.

„На интернет е споделено лажно видео кое навидум изгледа дека прикажува извештај на Јуроњуз за аукција на руска уметност. Јуроњуз не го произведе ниту го објави ова видео“, се вели во соопштението од Јуроњуз.

Од телевизијата појаснуваат дека тие преземаат чекори за да се избрише лажното видео од сите онлајн платформи, но и активно истражуваат од каде доаѓа ова лажно видео.

Аукциската куќа Bolland & Marotz, исто така потврди дека наводното видео од аукцијата е „фалсификат“. Таква аукција нема и нема да има никогаш.

„Во моментов размислуваме за правна постапка против создавањето и дистрибуцијата на ова видео“, информираат од аукциската куќа Bolland & Marotz.

***

Овој напис е изработен во рамките на проектот Промовирање на пристап до веродостојни вести за борба против дезинформации, имплементиран од Фондацијата Метаморфозис. Написот e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Бесплатно демо за платформската игра „Бласфемос“

На Steam може да се симне бесплатно демо од играта Blasphemous. Станува збор за платформска игра за возрасни која функционира како Souls игра, а естетски наликува на старата добра...