Светскиот економски пораст веројатно ќе биде послаб од очекуваното, предупреди Кристин Лагард, претседателка на Меѓународниот монетарен фонд.
Причините за најавеното забавување, според Лагард, се послабото закрепнување на развиените земји и помалиот пораст кај брзорастечките економии.
„Генерално, очекуваме развојот во светот да остане умерен и веројатно послаб отколку што се очекуваше во јули годинава“, изјави Лагард при дводневната посета на Индонезија.