fbpx

Кумановскиот кризен штаб бара владата да воведе 14-дневен карантин во општината

-

Општинскиот штаб за заштита и спасување на денешниот состанок побара од владата да се воведе 14-дневен карантин, кој би траел 24 часа во периодот од петок, 17 април до понеделник, 4 мај. Оваа мерка е всушност барање за воведување кризна состојба, за која што денеска јавно говореше и градоначалникот Максим Димитриевски.

Општинските власти сметаат дека со ваквата радикална мерка би се почитувале досегашните донесени мерки за целата земја, но и би се вовеле дополнителни постапки на територијата на оваа општина.

Меѓу посебните 12 мерки што се дадени како предлог и што би важеле во Куманово за период од две недели, кризниот штаб го предлага издавањето на дозволи за движење само за оние лица ангажирани во стопанството и институциите, поставување на пунктови за контрола на влез и излез од Куманово и дезинфекција на возила и патници, обезбедување на непречен транспорт на намирници и други потреби за општината, но и обезбедување на дополнителен човечки кадар во здравството за непречено функционирање на Општата болница во Куманово.

Ваквите барања на кризниот штаб на денешната прес-конференција ги повтори и кумановскиот градоначалник Максим Димитриевски, кој воедно е командант на општинскиот кризен штаб.

– Кризната состојба ја бараме за да се засили присуството на државните институции и органи, директно да се вклучат на територијата на Општина Куманово во борба против вирусот по примерот на Дебар – посочи градоначалникот Димитриевски.

Во меѓувреме, бројот на дијагностицирани пациенти на Ковид-19 во Куманово постојано расте. Според податоците на Министерството за здравство, само во текот на денешниот ден се потврдени 25 нови случаи на заразени лица и двајца починати од корона вирусот. Вкупната бројка на дијагностицирани пациенти во Куманово е 236, додека 12 лица починаа од Ковид-19.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Денес и утре ќе има прашина од Сахара во воздухот на Балканот

Денес и утре може да се очекува повисоко количество на песок од пустината Сахара низ Балканот, вклучително и во Северна Македонија, известува европската Служба за следење на атмосферата -...