Едно лице загина, а тројца полицајци се повредени во пукотница во кафуле во Копенхаген, каде се одржувала дебата за слободата на говорот, карикатурите и за исламот.
Како што јавуваат данските медиуми, напаѓачите, за кои се претпоставува дека биле двајца, отвориле оган од автоматско оружје во моментот кога францускиот амбасадор Фрацис Зимера го завршил говорот. Се претпоставува дека мета бил организаторот на настанот, карикатуристот Ларс Вилкс, познат по карикатурите на пророкот Мухамед.
Како што јавува телевизијата „ТВ2“, напаѓачите, облечени во црно, успеале да побегнат од местото на злосторот, со помош на возило марка „фолксваген поло“.
Францускиот амбасадор и Вилкс, не се повредени.
Полицијата засега не открива детали за инцидентот.
