Американскиот државен секретар, Џон Кери, предупреди дека за успехот на борбата против Исламска држава се потребни сириски или арапски трупи на терен, затоа што милитантите не може да се поразат само со воздушни напади.
– Мислам дека знаеме дека Исламска држава нема да биде целосно поразена со воздушни напади, без испраќање некои трупи на теренот, кои се спремни да се борат против неа – рече Кери, наведувајќи дека тоа се однесува на сириските и на арапските трупи.