Јапонските власти утре ќе го вклучат првиот нуклеарен реактор, по четири години од затворањето на сите реактори во нуклеарната централа во земјата поради несреќата во Фукушима во 2011 година, соопшти денеска јапонската електрокомпанија „Кијуши“.
– Реакторот ќе биде пуштен во употреба на 11 август, а почетокот на производството на струја се очекува на 14 август – се наведува во соопштението и се додава дека станува збор за реакторот Сендаи, затворен на 10 мај 2011 година, два месеца по хаваријата во Фукушима.
Трите реактори во Фукушима се оштетени од разорниот земјотрес и од цунамито што ја погодија Јапонија во март 2011 година.
Хаваријата предизвика зрачење кое и понатаму ги контаминира водата, воздухот и земјиштето во околината на централата.
