Лидерот на ГРОМ и градоначалник на Општина Карпош, Стевчо Јакимовски, денеска, одговарајќи на новинарско прашање на прес-конференција, рече дека не го слушнал, како што вели, наводниот разговор меѓу него и директорот на Управата за безбедност и контраразузнавање.
Јакимовски ги повика судските органи да преземат нешто и рече дека, конечно, време е фарсата да заврши.
– Она што мислам е дека, конечно, треба со оваа фарса да се привршува. Секаде во светот шпионите прво се апсат, па потоа се води истрага. Ова премногу долго трае и сметаме дека надлежните судски органи во Република Македонија треба да ги преземат чекорите за целиот циркус што го прави господинот Заев веќе да заврши и да има институционална разврска – изјави Јакимовски.
