Маја Иванова, сопругата на претседателот Ѓорѓе Иванов, на форумот „Кран Монтана“ се обрати на специјална сесија на Форумот на африкански жени, чиј фокус годинава е имплементирање родова еднаквост, жените во јавниот живот и во приватниот сектор и подобрување на образовниот систем за девојките.
– Жената во Република Македонија е сè повеќе присутна не само во јавниот, туку и во приватниот сектор. Разбирајќи ги условите на пазарот, успешните жени менаџерки ја внесуваат својата креативност и промовираат успешни општествено одговорни концепти во водењето бизнис. Мојата земја презеде многу значајни чекори и конкретни мерки за подобрување на општествената улога на жената. На патот на промените, во секој сегмент од моето работење, ги поддржувам проектите што го промовираат учеството и позицијата на жените во општествените текови и подобрувањето на општествениот развој. Како покртовител, но и како активен учесник, преку ангажирање на сите видови расположливи општествени ресурси, се трудам да помогнам да се постигне што повеќе за таа цел – рече Иванова.