Припадниците на Исламска држава кренале во воздух три древни гробници во Палмира, изградени меѓу 44 и 103 година од новата ера, рече денеска шефот на сириското Одделение за антиквитети, Мамун Абдулкарим.
Абдулкарим соопшти дека извори од Палмира го потврдиле уништувањето на трите гробници, градени во облик на кули, вклучувајќи ја и Елахбел, изградена во 103 година од новата ера. Гробницата имала четири ката и посебен подземен дел.
Џихадистите на ИД претходно урнаа два храма од римскиот период во градот Палмира, кој од мај годинава е под нивна контрола.