Синајскиот разгранок на џихадистичката Исламска држава ја презеде одговорноста за бомбашкиот напад во Каиро при што се ранети најмалку 29 лица, меѓу кои има и шест полицајци.
Милитантите од Синај со бомбашкиот напад му одговорија на египетскиот претседател Абдел Фатах ал Сиси на воведувањето на антитерористички закон.
Последната бомба имала големи разорни моќи, е активирана со далечински управувач, а мета било Министерството за внатрешни работи.
Во соопштението на групата, поврзана со таканаречената Исламска држава во Ирак, Сирија и Либија, се вели дека станува збор за одмазда за извршената смртна казна над шесте нивни членови, осудени за напад и убиство на војници и полицајци.
