Четири куќи се уништени, а десетина луѓе се евакуирани од своите домови откако избувна пожар во јужноафриканскиот град Кејптаун. Поради засилениот ветер кој дува од околните планини, пожарникарите имаат проблем да го локализираат.
Засега нема информации за евентуални жртви.
Од Центарот за управување со кризи соопштија дека во тек е голема противпожарна акција, во која се вклучени хеликоптери со водени бомби, 300 пожарникари и волонтери.