Заменик-премиерот на Косово, Хашим Тачи, ја повика ЕУ да ја прекине „неправедната изолација“ на Косово.
Тачи денеска во Германија се сретна со група пратеници за Југоисточна Европа, а кои се членови на Бундестагот.
– Пред пратениците нагласив дека иднината на Косово се ЕУ и НАТО и оти на тоа е посветено косовското општество и целата политичка класа – напиша Тачи на својот фејсбук-профил.
Косово е единствена држава во целиот регион чии граѓани не можат без виза да патуваат во земја во ЕУ.