fbpx

Герасимовски: Поранешна „Треска“ да влезе во нов регулациски план заради подобра урбанизација

-

Градоначалникот на општина Центар, Горан Герасимовски, во денешното гостување во емисијата Клик Плус на ТВ 21, го повика Град Скопје и институциите да се ангажираат за што подобра урбанизација на просторот на поранешната фабрика за мебел „Треска“.

„Моето залагање е да што подобро го урбанизираме самиот простор, но не треба да занемариме и да имаме предвид дека таму имаме важечки ДУП. Доколу не постапуваме по тој ДУП, тоа е кршење на закон. Мојата борба е што подобро да го урбанизираме тој простор“, порача Герасимовски.

За просторот кај „Треска“ има важечки ДУП, кој има околу 40-тина градежни парцели и таму е предвидена изградба на станбени згради.

Сепак, за подобро урбанистичко решение, смета градоначалникот на Центар, фабричкиот двор треба да се издвои од ДУП-овите, преку регулациски план.

„Нашата цел е преку регулационен план да го одвоиме тој дел од ДУП-овите Буњаковец 1 и 2, каде се наоѓа и парцелата за ‘Треска’. Ги повикав и ги повикувам институциите од кои што зависиме, за подобро и побрзо носење на самиот план, вклучувајќи го и Град Скопје, каде денеска имаме и состанок за што побрзо да се донесе подобар план“, изјави Герасимовски.

Тој ги повика градоначалничката на Град Скопје, Данела Арсовска, Министерството за транспорт и врски, но и другите институции, да излезат во пресрет што побрзо и да се донесе што е можно подобар ДУП.

Инаку, зборувајќи за пожарот во „Треска“ Герасимовски речеи дека се работи за човечки фактор и дека општината имала информации месеци наназад за тој дел за кражби кабли, старо железо но оти не верува дека пожарот е подметнат намерно.

„Неколку месеци, во соработка и комуникација со одредени институции, чекавме да заврши целиот увид на терен, чекавме зелено светло од сите институции за да им дадеме насока на сопствениците да си го расчистуваат просторот“, изјави градоначалникот Герасимовски.

Се расчистува просторот во „Треска“, следува ли бетонизацијата и на овој дел од градот?

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Поради предизборни митинзи, утре и во недела изменет режим на сообраќај во Скопје

Поради одржување на митинзи од изборната кампања за претседателските избори, овој викенд ќе биде воведен изменет режим на сообраќај во Скопје, информираше попладнево Министерството за внатрешни работи (МВР). Поради партиски...