fbpx

Генерал Ѓурчиновски: АРМ ќе се преструктуира во нова формација следните 10 години

-

Процесот на трансформација на Армијата во новата формациска структура ќе трае до 10 години, најави началникот на Генералштабот на АРМ генерал-потполковник Васко Ѓурчиновски.

Трансформацијата на АРМ е најавена во Стратегискиот одбранбен преглед донесен минатата година, а Ѓурчиновски очекува претседателот и врховен командант Стево Пендаровски наскоро да ја утврди новата структура и формација на армијата, која ќе го опфати активниот и резервниот состав.

Новата формација, според генералот, ќе ги опфати и усогласи активниот состав, активната и општата резерва, односно резервниот состав кој ќе биде пополнет и функционален веднаш и остатокот од резервните сили.

Ѓурчиновски истакнува дека армиските реформи се во завршна фаза. Се очекува во јуни Владата да го усвои и Долгорочниот план за развој на одбраната, кој сега интензивно се подготвуваше во соработка со Алијансата.

– Досега имавме партнерски цели, сега, како членка на НАТО, ќе имаме оперативни цели, со типови на сили кои треба да ги подготвува за операции на алијансата и опрема која треба да ја поседуваат. Од НАТО ни велат, секогаш имате убави планови, но сега ќе мора да ги реализирате – вели генерал Ѓурчиновски.

Клучна цел на реформите е подготвување на лесна баталјонска борбена група, спремна да учествува во операции на Алијансата.

– Тоа е императив – вели Ѓурчиновски, кој очекува реформските документи да се комплетираат до крајот на годината.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Германија добива онлајн регистар на донори на органи

Германскиот онлајн регистар на донори на органи вчера беше отворен со две години задоцнување. Министерот за здравство Карл Лаутербах оцени дека тоа придонесува за транспарентност и поголема подготвеност на...