fbpx

ФРОДЕМ: Забрана за влез во ЕУ и во САД и замрзнување на сметките за лицата што не го почитуваат Договорот од Пржино

-

„По вчерашното распишување на изборите при неисполнети елементарни услови согласно Договорот од Пржино, како и децидното одбивање на Иванов да ја повлече неговата ништовна одлука за стопирање на постапките против осомничениге лица и да не поднесе оставка, ги повикуваме САД и членките на ЕУ наместо очекуваните санкции кон Македонија и нејзините граѓани, истите да ги изречат кон лицата и партиите кои не го почитуваат Договорот од Пржино, кои го суспендираа владеењето на правото и кои ја погазија општата граѓанска согласност за евроатланска интеграција на Македонија“, се вели во отвореното писмо на ФРОДЕМ (Фронт за демократска Македонија) до земјите членки на ЕУ и до САД и до другите држави пријатели на Македонија.

Во него се бара земјите членки на ЕУ и САД како и сите добронамерни држави пријатели на Македонија и на македонските граѓани, „на сите лица чии имиња се наоѓаат на ништовните одлуки, на нивните најблиски роднини, како и персоната Ѓ. Иванов, да им изречат забрана за влез во нивните држави, како и да им ги блокираат фирмите и да им ги замрзнат банкарските сметки доколку ги имаат во нивните држави“.

Оваа барање се однесува и на членовите на Советот на јавни обвинители кои, според ФРОДЕМ, постојано ја опструираат работата на Специјалното јавно обвинителство, како и на судиите на Уставниот суд „кои сносат сериозна одговорност за своето непрофесионално работење и однесување и кршење на Уставот и законите на државата“.

Од ФРОДЕМ бараат овие мерки да траат сè до завршувањето на почнатите постапки и до докажување на нивната невиност.

– Исто така бараме од акредитираните амбасадори во Република Македонија истите овие личности да не ги покануваат на официјални приеми и средби и да ја суспендираат секоја идна комуникација со нив сè до завршување на кривично-правните постапки – се додава во писмото.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

За прв пат во земјава е регистрирана епидемија на ХИВ кај одредена популациона група

Според резултатите од последното истражување од 2018 година, кај мажите кои имаат секс со мажи во Скопје, проценетата преваленца е 5,4 отсто, што значи дека во РСМ за прв...