Француската полиција уапсила пет лица кај францускиот град Лион, кои планирале да организираат напади на ноќни клубови и да побегнат во Сирија, соопшти денеска неименуван претставник на француската полиција.
Претставникот, кој побарал да остане анонимен бидејќи истрагата е во тек, рекол дека се уапсени четири мажи и една жена. Тој открил дека членовите на групата веќе купиле билети за да им се придружат на милитантните екстремисти во Сирија, преку Бугарија и Турција, и оти се обиделе да дојдат до оружје за да ги извршат нападите на ноќните клубови во Франција.
