„ЕВН Македонија“ ја доби Национланата награда за добра практика на безбедност и на заштита при работа за 2014 година, која по повод Светскиот ден за безбедност и здравје при работа, кој се одбележува денеска, 28 април, ја доделува Македонското здружение за заштита.
– Оваа награда ја сметаме за потврда на нашите заложби, но и за доказ дека сме во вистинската насока на остварување на целта, заштита на нашите вработени при изведувањето на исклучително тешките и на моменти опасни работни задачи – изјави Игор Гиевски, член на управниот одбор на „ЕВН Македонија“.
Тема на годинешното одбележување на Светскиот ден за безбедност и здравје при работа беше „Вклучи се во градење култура за превенција за безбедност и здравје при работа“.
