Согласно податоците од Институтот за јавно здравје, Министерството за здравство информира дека во последните 24 часа регистрирани се 89 нови случаи на ковид. Направени се 656 тестови. Од вкупниот број позитивни, регистрирани се 26 реинфекции. Оздравеле 25 пациенти.
„Во текот на изминатите 24 часа, е пријавено едно починато лице од Струмица (71г), починато во болнички услови. Согласно Регистарот на умрени лица со дијагноза ковид-19 од „Мој Термин“, не се регистрирани починати лица“, информираат во министерството.
Досега во земјата се направени вкупно 2.161.598 тестирања. Вкупната бројка на ковид-дијагностицирани лица во нашата земја од почетокот на епидемијата изнесува 342.075, бројот на оздравени пациенти е 331.865, на починати е 9.521, а бројот на активни случаи изнесува 689.
