Координаторот за борба против тероризам на Европска Унија, Жил де Кершов, денеска изјави дека стравува дека странските борци би можеле да извршат напади во Европа, користејќи хемиско оружје и техники од Сирија и од Ирак.
– Се надевам дека никој нема да се врати од Сирија со знаење како да искористи хемиско оружје или автмобил-бомби. Научиле да ги користат во Сирија и во Ирак – рече Кершов.
На конференцијата за екстремизам во Мадрид, тој рече дека Исламска држава се соочува со пораз на домашен терен и оти постои опасност повеќе стотини екстремисти да се вратат во Европа.
– Некои ќе се вратат дома, некои ќе се приклучат на други упоришта на ИД, како, на пример, Либија, но постојат и други места на кои можат да се кријат – рече координаторот на ЕУ.
