fbpx

Експресниот кинески воз за Битола „времено“ е укинат веќе цела година, прескапа била поправката

Експресниот воз „Хераклеа“ на релацијата Скопје - Битола - Скопје „привремено“ беше укинат на 6 август 2018 година и до денешен ден ја чека поправката на расипаната кинеска гарнитура. Времето на патување меѓу двата града со него изнесуваше 2 часа и 40 минути

-

Експресниот воз „Хераклеа“ на релацијата Скопје – Битола е укинат веќе една година, без најави за негово повторно враќање во сообраќај. И покрај бројните реакции на граѓаните за повторно воведување на овој воз, од Железници на РСМ – Транспорт велат дека еден од новите кинески возови е расипан и неупотреблив за сообраќај.

– Поради високата цена за поправка како и стручната помош од кинеските производители, МЖ бара начин како и на кој начин да го реши овој проблем што е побрзо можно – велат за „Мета“ од Железници на РСМ – Транспорт.

Железничкиот транспортен оператор постојано бара повеќе финансии од државата, со кои би можел навремено да го одржува возниот парк. Железницата е со натрупани долгови, кои секогаш најпрво негативно се одразуваат на редуцирањето возови за превоз на патниците. Од таму за „Мета“ признаваат дека извесно време имаат проблеми и со сообраќањето на брзиот воз меѓу Скопје и Приштина, поради честите дефекти на дизел локомотивите стари повеќе од 50 години.

– МЖ Т прави напори редовно да го опслужува овој воз и секогаш кога има на располагање локомотива, овој воз сообраќа – посочуваат тие во однос на сообраќањето на брзиот воз Скопје – Приштина – Скопје. Од железничкото претпријатие немаат најнова статистика за процентот на откажани возови поради недостигот на возниот парк, но тврдат дека тој не надминува 5 отсто во однос на сите железнички линии предвидени во возниот ред.

Експресниот воз „Хераклеа“ на релацијата Скопје – Битола – Скопје „привремено“ беше укинат на 6 август 2018 година и до денешен ден ја чека поправката на расипаната кинеска гарнитура. Времето на патување меѓу двата града со него изнесуваше 2 часа и 40 минути, со поаѓање од Битола во 5.20 часот наутро и од Скопје во 17.10 часот попладне. Овој воз беше преполн со патници, поради побрзото време на патување отколку со автобус и пониската цена на билетот.

За нередовното сообраќање на брзиот воз меѓу Скопје и Приштина на Интернет најмногу реагираат странските туристи, кои неуспешно се обиделе од скопската железничка станица да го фатат возот со поаѓање од 16.10 часот за косовскиот главен град.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пендаровски ја најави кандидатурата за претседател за втор мандат

Актуелниот претседател Стево Пендаровски ја најави граѓанската кандидатура за втор мандат и ги повика сите граѓани да дадат поддршка со потпишување во канцелариите на Државната изборна комисија. „Во недела очекувам...