Италијанскиот премиер Матео Ренци го посети местото на несреќата во Пуља, во која, според последните податоци што ги објави агенцијата АНСА, загинаа 27 лица, јавува „Би-би-си“.
Десетици лица се повредени, а некои се во критична состојба по фронталниот судир на двата воза. Ова е една од најтешките железнички несреќи во Италија во последните години.
Ренци нареди официјална истрага за несреќата.
– Сакам да им изразам сочувство на настраданите. Наредив истрага за да се открие кој е одговорен. Мислам дека тоа треба целосно да се разјасни. Нема да сопреме додека не дознаеме што се случило – рече Ренци.