Седницата на Државната изборна комисија која требаше да почне денеска во 10 часот доцни поради технички причини, дознава „Мета“. Како што тврдат членови на ДИК, се уште не се обработени податоците од теренската проверка на избирачкиот список.
Се очекува седницата да почне по 11 часот.
Инаку на денешната најавена седница ДИК ќе соопшти кои се резултатите од теренската проверка и кои се следните чекори. Ќе се разгледува извештајот од вкрстените, теренските и од административните проверки за ажурирање на избирачкиот список.
Aдминистративната проверка во МВР и во Министерството за правда, на повеќе од 100.000 спорни гласачи, требаше да биде завршена на 31 март.
Теренската проверка требаше да заврши до 3 април.
На 17 април прочистениот избирачки список треба да биде ставен на увид.
