Екстремната џихадистичка организација Исламска држава ја зазеде ирачката страна на важниот премин на границата со Сирија, откако ирачките сили се повлекле.
– Исламска држава утринава го зазеде граничниот премин Ал Валид на границата меѓу Ирак и Сирија, по повлекувањето на војската и ирачката гранична полиција – изјавија официјални службени лица.
Исламската држава минатата година го зазеде вториот премин на границата меѓу Анбар и Сирија. Третиот граничен премин меѓу Ирак и Сирија се наоѓа посеверно и е под контрола на курдските сили.
Шефот на пограничната комисија во Анбар потврди дека ирачките сили се повлекле од преминот Ал Валид.