Во Македонија денеска времето ќе биде посвежо, со ниска утринска температура која ќе се движи во интервал од 4 до 14 Целзиусови степени.
Во текот на денот ќе биде умерено облачно, со повремени сончеви периоди, ветровито и со пад на дневната температура.
Ќе дува умерен северен и северозападен ветер, а во западните предели – умерен североисточен ветер. Ветерот понекаде ќе достигне брзина и до 40 километри на час. Максималната дневна температура ќе достигне до 11, односно до 21 Целзиусов степен.
Во Скопје ќе биде умерено облачно со повремени сончеви периоди и посвежо. Ќе дува засилен северозападен ветер. Минималната температура ќе изнесува 11 Целзиусови степени, а максималната дневна температура ќе достигне до 18 степени.