Kомисиите за финансирање и буџет, за европски и за економски прашања ќе одржат седнци денеска во Собранието на Република Македонија.
Предлог-законот за изменување и за дополнување на Законот за безбедност на храна е единствена точка на дневниот ред на Комисијата за европски прашања.
Членовите на Комисијата за економски прашања ќе расправаат за предлог-закон за изменување на Законот за технолошки индустриски развојни зони, во второ читање.
На дневен ред на Комисијата за финансирање и буџет се: предлог-закон за претворање на побарувањата на Република Македонија врз основа на данок на додадена вредност и платени обврски кон странски кредитори и странски железнички претпријатија во траен влог во МЖ „Транспорт“ – АД Скопје, предлог-закон за користење и за располагање со стварите во државна сопственост и со стварите во општинска сопственост и предлог-закон за изменување и за дополнување на Законот за јавните набавки, сите во прво читање.