Али Ахмети, лидерот на ДУИ, по средбата со американскиот конгресман Елиот Енџел, која се одржа во Собранието, одговарајќи на новинарско прашање, изјави дека денеска нема да има лидерска средба.
Последната средба меѓу лидерите на четирите најголми партии, ВМРО-ДПМНЕ, СДСМ, ДУИ и ДПА, се одржа на 29 јуни.
На таа средба премиерот презентирал акциски план за спроведување на реформите што ЕУ ги побара од Македонија.
Иако без конкретни предлози, лидерите се договорија да ги продолжат преговорите.
