Четири лица од Арачиново и од Скопје, на возраст од 18 до 23 години, вчеравечер во трговскиот центар „Мавровка“ биле нападнати од три непознати лица, кои со остар предмет им нанеле убодни рани, соопштуваат од полицијата.
Повредените биле пренесени во градската хируршка клиника „Свети Наум Охридски“, каде кај едно од лицата, Б.М. (23), лекарите констатирале тешка телесна повреда, додека останатите имале телесни повреди.
Полицијата презема мерки за расчистување на случајот и за откривање на напаѓачите.
