Чешкиот премиер Бохуслав Соботка изјави дека неговата земја испратила дополнителни полициски сили на границата со Австрија за да го ограничи бројот на бегалци што влегуваат во Германија.
– Мерката е воведена за да се спречи кршење на законите и на правилата во шенгенската зона – рече Соботка, додавајќи дека чешката влада редовно ја проценува ситуацијата и доколку биде потребно, ќе воведе нови мерки.
Чешка го заостри обезбедувањето и контролата на границата, после вчерашната одлука на Германија да почне со контрола на границата со Австрија, да го запре железничкиот сообраќај од Австрија и привремено да го суспендира шенгенскиот систем.
