Четириесет и шестгодишен битолчанец вчера, околу 11 часот, во локалната полиција пријавил дека во дворот од својата куќа нашол артилериска граната од Првата светска војна.
Гранатата, битолчанецот ја пронашол додека изведувал градежни работи во дворот од куќата.
Од полицијата информираат дека експлозивната направа била подигната од стручно лице од Дирекцијата за заштита и спасување (ДЗС) и однесена за понатамошна постапка.