Вицепремиерот за европски прашања Фатмир Бесими, за време на дводневната посета на Брисел, која почнува денеска, ќе оствари повеќе билатерални средби со претставници на Европската комисија.
Како што се наведува од кабинетот на министерот, тема на средбите ќе бидат евроинтеграциите на Македонија и актуелната ситуација во земјава.
На агендата на Бесими се наоѓаат одвоени средби со комесарот за европска соседска политика и за преговори за проширување, Јоханес Хан, генералниот директор на Директоратот за проширување на Европската комисија, Кристијан Даниелсон, директорот за Западен Балкан во Генералниот директорат за европска соседска политика и преговори за проширување, Жан Ерик Паке, како и со европратениците Иво Вајгл, Едвард Кукан и Ричард Ховит.
