Едно од најголемите изненадувања на Париската модна недела беше на ревијата на Валентино, кога на писта се појавија главните ликови од комедијата „Зулендер“ од 2001 година, познатата актерска двојка Бен Стилер и Овен Вилсон.
Дерек Зулендер, чиј лик го толкува Бен Стилер, и неговиот колега Хансел, односно Овен Вилсон, со нивната нова улога на манекени, го најавија и второто продолжение на филмот, за кое потврда стигна и од „Парамаунт“.
Нивното појавување на ревијата на Валентино предизвика лавина позитивни коментари и реакции на социјалните мрежи, а симпатичната двојка на крајот од ревијата направи и фотографија со легендарната уредничка на „Вог“, Ана Винтур.
