Перо Антиќ, заедно со својот соиграч од Атланта хокс, Табо Сефолоша им се извини на навивачите на клубот, поради предизвиканиот лош публицитет по нивното апсење во Њујорк.
Двајцата кошаркари беа уапсени во ноќниот клуб „Челси“, под обвинение дека ја попречиле полициската истрага, откако претходно, во сосема изолиран инцидент, со нож беше прободен кошаркарот на Индијана пејсерс, Крис Коупланд.
Антиќ и Сефолоша велат дека и покрај тоа што беа приведени, тие не сториле ништо лошо, туку едноставно се нашле на погрешно место, во погрешно време.
„Ние сме кошаркари на Атланта и се придржуваме кон високите стандарди на однесување и нашата улога во професионалниот тим е на највисокото можно ниво. Ќе сториме сè за да докажеме дека не сме погрешиле и не сме направиле ништо погрешно. Им се извинуваме на семејствата, на соиграчите и на сите од тимот на Атланта хоукс за лошиот публицитет што им го донесе овој инцидент“, пишува во заедничкото соопштение на двајцата кошаркари.
