fbpx

Ангел Димитров: Скопје нема подготвеност за промени, македонски колеги се жалат на притисоци

-

На дневниот ред на последната средба на Заедничката македонско-бугарска историска комисија беа учебниците по историја, кои се однесуваат на периодот на средновековието во Бугарија и во Република Северна Македонија и евентуално заедничкото чествување на Гоце Делчев. Но повторно ништо не се случи, рече бугарскиот ко-претседател на Комисијата, Ангел Димитров, во интервју за бугарската национална телевизија БНТ.

„Повторно ништо не се случи. Тоа е интересен и важен сигнал за севкупната ускладеност, но пред сѐ за атмосферата во која што работеше нашата комисија на последната 20-та средба. Слободно можам да кажам дека таму нема подготвеност за некаква промена“, изјави Димитров за БНТ.

Тој нагласи дека средбата се одржала во време кога опозициската ВМРО-ДПМНЕ побара да се распише референдум за отфрлање на Договорот со Бугарија за пријателство и добрососедство, а според Димитров, некои од македонските колеги отворено зборувале дека се подложени на закани и притисок да не го менуваат ставот.

„Тоа не значи дека тие се подготвени да го направат тоа, но зборуваме за атмосферата во јавноста и тоа јасно покажува што се случува во Република Северна Македонија“, коментира Димитров.

Според него, Гоце Делчев е постојано во програмата на Комисијата веќе трета година и никако да се стигне до него. Она што е решено и објавено, вели, е дека треба да се пристапи кон промена на учебниците во Северна Македонија, односно оние учебници кои се надвор од „нашата заедничка историја”.

ИзворБНТ

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

По вторпат транспортирано лице со мозочен удар од Унгарија со полициски хеликоптер

Лице со мозочен удар денеска беше превезено од Уггарија во земјава со полициски хеликоптер на МВР, опремен со потребна медицинска опрема за таков лет. Ова е вторпат да се...