fbpx

Албанија и Косово ќе ги обединат царините и ќе го укинат роамингот

-

Владите на Косово и Албанија на денешната заедничка седница во Пеќ, Косово потпишаа девет договори и протоколи со кои, меѓу другото, во наредните шест месеци ќе се обединат царините и ќе се укине роамингот во меѓусебните телекомуникации.

Потпишани се договори за меѓусебно признавање на возачките дозволи, за заедничка царинска контрола на граничниот премин Морина, за јавниот долг и заедничката соработка со меѓународните финансиски институции, за укинување на роамингот, за соработка во областа на младите и за соработка во здравството. Исто така биле потпишани и договори за признавање на фитосанитарните и ветеринарни уверенија, за создавање на заедничка Стопанска комора на Косово и Албанија и соработка за признавање на индустриската сопственост.

Косовскиот премиер Рамуш Харадинај рече дека граѓаните на Косово и Албанија очекуваат уште повеќе од двете влади, но дека и договорите што се потпишани денеска претставуваат „конкретизација на дамнешните приоритети на двете страни“.

Албанскиот премиер Еди Рама рече дека воведувањето на таксата од 100 отсто на производите од Србија и Босна и Херцеговина била „исправна реакција на неправдите кои се прават кон Косово, често и со поддршка на разни европски земји“.

Од друга страна, како што појасни тој, за кратко време Косово и Албанија ќе направат целосна унификација на царините.

– Кој смета дека ова претставува закана, било во Белград или во Брисел, добредојден е да дојде, да седне на маса и да му објасниме дека не е закана, туку е покана за сите други да земат пример од оваа соработка и Србија прва да го следи овој пример – порача Рама.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Колапсот на Клинички ја прегоре Градска болница: 150 итни пациенти оперирани за 10 дена

Полни корпи со чаршави, кебиња и перници во ходникот на приземјето на Универзитетската клиника по хируршки болести „Св. Наум Охридски“, попозната како „стара Градска болница“, сведочат за напливот на итни...